इक्कीमीं सदी दे द...

इक्कीमीं सदी दे दूए द्हाके दा डोगरी.उपन्यासः रूझान ते प्रवृत्तियां

Author Name : डॉ. शालु शर्मा

सन् 1960 दा ब’रा डोगरी उपन्यास - साहित्य आस्तै एक इतिहासक ब’रा रेहा ऐ, जिस च इसदी विधिवत् नींs रखोई। इस भागले ब’रे च किट्ठेत्रै उपन्यास छपियै सामनै आए। इ’नें त्रौने उपन्यासें च शोशत ते शोशक वर्ग बश्कार होने आह्‌ले संघर्श गी पेश कीत्ता गेआ ते इ’यां गै शुरुआती दौर थमां लेइयै बीह्‌मीं सदी तगर जिन्ने बी उपन्यास लखोए उं’दे च पूंजीवाद, नारीशोशन, भ्रश्टाचार, पारिवारिक उथल-पुथल, बाल- ब्याह जनेह् केईं पक्ख द्रिश्टी गोचर होए। डोगरी उपन्यास साहित्य दा एह्60-65 ब’रे दा सफर डोगरी दे प्रसिद्ध उपन्यासकारें दे होसलें ते मेहनत दा प्रमाण ऐ। इसलै तगर डोगरी दे लगभग 65-70 दे करीब उपन्यास प्रकाशत होई चुके दे न। इक्कीमीं सदी दी शुरुआत कन्नै होर बी नमें लखारियें अपनी कलम चुक्कियै उपन्यास साहित्य गी सग्गोसार कीत्ता। इस शोध पत्र च उपन्यास- साहित्य दे दूए द्हांके गी अधार बनाया गेदा ऐ। इस द्हाके च 13 उपन्यास ते उबाल उपन्यास छपे। इस दहाके दा पैह्‌ला उपन्यास 2011 गी देशबंधु डोगरा नूतन हुंदे महाउपन्यास भीमू दा चौथा भाग ‘1947' ते इस्सै ब’रे वेदराही हुंदा 'मसूर ते शकीला